රුසියානු ජනාධිපති ව්ලැඩිමීර් පුටින් සහ චීන ජනාධිපති ෂී ජින්පින් යන දෙදෙනාම සමග ඔවුන්ගේ න්යෂ්ටික අවි ගබඩාවලට සීමාවන් පැනවීම පිළිබඳව සාකච්ඡා කිරීමට කැමති බව එක්සත් ජනපද ජනාධිපති ඩොනල්ඩ් ට්රම්ප් පවසනවා.
ඕවල් කාර්යාලයේදී වාර්තාකරුවන් ඇසූ ප්රශ්නවලට පිළිතුරු දෙමින් ට්රම්ප් කියා සිටියේ, න්යෂ්ටික අවිහරණය තම දෙවන ධුර කාලය තුළ ඉලක්කයක් වනු ඇති බවයි.
ට්රම්ප් කියා සිටියේ, තම පළමු ධුර කාලය තුළ න්යෂ්ටික අවි කපා හැරීම සම්බන්ධයෙන් තමන් දැනටමත් පුටින් සමඟ අවබෝධයකට පැමිණ ඇති බවත්, චීනය එයට ඉතා විවෘත බවත්, නමුත් COVID වසංගතය ආරම්භ වූ පසු උත්සාහය අසාර්ථක වූ බවයි.
ට්රම්ප්ගේ පූර්වගාමියා වූ එවක ජනාධිපති ජෝ බයිඩෙන් යටතේ එක්සත් ජනපදය, න්යෂ්ටික අවි සාකච්ඡා සඳහා දිගුකාලීන ප්රතිරෝධයක් බිඳ දැමීමට චීනය පොළඹවා තිබුණා.
ට්රම්ප් කියා සිටියේ තමා පුටින් සහ ෂී සමඟ සංවාදවලින් පටන් ගෙන ත්රෛපාර්ශ්වික රැස්වීමකට යා හැකි ප්රශ්නය දෙස නැවුම් ලෙසින් බලන බවයි.
ඔහු මෙම සාකච්ඡා සඳහා නිශ්චිත කාල රාමුවක් ලබා නොදුන් නමුත්, “ඉතා දුර ඈත අනාගතයේ” ආරම්භ කිරීමට බලාපොරොත්තු වන බවයි පවසන්නේ.
“අපට හමුදාව සඳහා ඩොලර් ට්රිලියන 1කට ආසන්න මුදලක් වැය කිරීමට හේතුවක් නැහැ. ඔබට ඩොලර් බිලියන 400ක් වියදම් කිරීමට හේතුවක් නැහැ – චීනයේ වියදම ඩොලර් බිලියන 400ක්,” යනුවෙන් පැවසූ ට්රම්ප් එහි දී වැඩිදුරටත් සඳහන් කර තිබුණේ, “මම කියන්න යන්නේ අපිට මේක විසඳගන්න පුළුවන්, අපිට මේක වෙන දේවල්වලට වියදම් කරන්න පුළුවන්.” යනුවෙන්.
