ශ්රී ලංකා මහ බැංකුව සහ චීන මහජන බැංකුව අතර 2021 වසරේ දී අත්සන් කළ ද්විපාර්ශ්වික මුදල් හුවමාරු ගිවිසුම, මුල් ගිවිසුමේ දක්වා ඇති නියමයන් සහ කොන්දේසිවලට යටත්ව තවත් වසර තුනක (03) කාලයක් සඳහා 2024 දෙසැම්බර් මාසයේ දී සාර්ථකව දීර්ඝ කළ බව ශ්රී ලංකා මහ බැංකුව පවසනවා.
නිවේදනයක් නිකුත් කරමින් ශ්රී ලංකා මහ බැංකුව සඳහන් කර ඇත්තේ, චීන යුවාන් බිලියන 10ක (ආසන්න වශයෙන් එ.ජ. ඩොලර් බිලියන 1.4ක) මුදල් හුවමාරු පහසුකම තුළින් චීනය සහ ශ්රී ලංකාව අතර පවතින මූල්ය සහයෝගීතාව නිරූපණය කෙරෙන බවයි.
ශ්රී ලංකා මහ බැංකුවේ අධිපති, ආචාර්ය පී. නන්දලාල් වීරසිංහ ශ්රී ලංකා මහ බැංකුව වෙනුවෙන් ගිවිසුමට අත්සන් තැබූ අතර, චීන මහජන බැංකුව වෙනුවෙන් එහි අධිපති, පැන් ගොන්ගෙන් ගිවිසුමට අත්සන් තබනු ලැබුවා.
source :- https://tinyurl.com/utvf3jah
