ඒ , අනුව ශ්රී ලංකා ඩිජිටල් හැඳුනුම්පත් ව්යාපෘතිය, ජාතික දත්ත හුවමාරු කිරීමේ ඩිජිටල් වේදිකාව සහ ලංකා රාජ්ය මේඝය (Lanka Government Cloud) වැනි ප්රධාන ව්යාපෘති සහ අනෙකුත් රාජ්ය ආයතන තුළ සිදු වන ඩිජිටල් කරණ ව්යාපෘති මඟින් ශ්රී ලංකාව සිය ඩිජිටල් පරිවර්තනය වේගවත් කිරීමට අපේක්ෂා කරනු ලබනවා.
එමෙන්ම එවැනි ව්යාපෘති සාර්ථකව ක්රියාවට නැංවීම සඳහා ආරක්ෂිත සයිබර් අවකාශයක් නිර්මාණය කිරීම ඉතාමත් වැදගත් අවශ්යතාවක් ලෙස හඳුනාගනු තිබෙනවා.
ඊට සයිබර් තර්ජන හඳුනා ගැනීම හා ඒවාට සාර්ථකව මුහුණ දීමේ හැකියාව වැඩිදියුණු කිරීම, අනිෂ්ට මෘදුකාංග විශ්ලේෂණය කිරීමේ හැකියාව සහ මානව සම්පත් ධාරිතාව ප්රවර්ධනය හා සයිබර් පර්යේෂණ සිදු කිරීම අරමුණු කර ගනිමින් පර්යේෂණ ඒකකයක් ශ්රී ලංකා පරිගණක හදිසි ප්රතිචාර සංසදය (Sri Lanka CERT) තුළ පිහිටුවීමේ ව්යාපෘතියක් සැලසුම් කර ඇත.
එලෙස යෝජිත සයිබර් තර්ජන සහ අනිෂ්ට මෘදුකාංග විශ්ලේෂණ පර්යේෂණ ඒකකය පිහිටුවීමේ ව්යාපෘතිය ක්රියාත්මක කිරීම පිණිස ඩිජිටල් අමාත්ය වශයෙන් ජනාධිපතිවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී.
