පසුගියදා ආරුගම්බේ ප්රදේශයේ ත්රස්ත ප්රහාරයක් එල්ල වීමට නියමිත බවට ලැබුණු තොරතුරු සම්බන්ධයෙන් සිදුකළ විමර්ශන වලට අදාළව අත්අඩංගුවට ගෙන ත්රස්තවාදය වැළැක්වීමේ පනත යටතේ රඳවාගෙන ප්රශ්න කළ සැකකරුවන් තුන්දෙනෙකු රක්ෂිත බන්ධනාගාර ගත කරන ලෙස කොළඹ මහේස්ත්රාත් අධිකරණය නියම කළා.
රක්ෂිත බන්ධනාගාර ගත කළ සැකකරුවන් අතරට මාලදිවයින් ජාතිකයකුද ඇතුළත් වෙනවා.
ත්රස්ත විමර්ශන කොට්ඨාසය අධිකරණයට දැනුම් දුන්නේ මෙම සැකකරුවන් ත්රස්තවාදය වැළැක්වීමේ පනත යටතේ රඳවාගෙන ප්රශ්න කිරීමෙන් අනතුරුව අධිකරණයට ඉදිරිපත් කරන බවයි.
මෙම සැකකරුවන් සම්බන්ධයෙන් ගත යුතු නීතිමය ක්රියාමාර්ගය පිළිබඳව නීතිපතිවරයාගෙන් උපදෙස් ඉල්ලා තිබෙන බවත් නීතිපති උපදෙස් ලැබෙන තෙක් සැකකරුවන් රක්ෂිත බන්ධනාගාර ගත කරන ලෙසත් පොලිසිය අධිකරණයෙන් ඉල්ලා සිටියා.
එම ඉල්ලීම පිළිගත් කොළඹ අතිරේක මහේස්ත්රාත් පසන් අමරසේන මහතා අදාළ සැකකරුවන් රක්ෂිත බන්ධනාගාර ගත කිරීමට නියම කළා.
source :- https://tinyurl.com/2tafdby7
