ශ්රේෂ්ඨාධිකරණ නියෝග උල්ලංඝනය කරමින් අලුතින් මත්පැන් බලපත්ර නිකුත් කිරීම තුළින් අධිකරණයට අපහාස කළේ යැයි චෝදනා කරමින් හිටපු සුරාබදු කොමසාරිස් එම්. ජේ. ගුණසිරි ඇතුළු පිරිසකට එරෙහිව ගොනුකර තිබෙන පෙත්සමේ කරුණු තහවුරු කිරීම සඳහා පෙබරවාරි මස 07 වනදා කැඳවන ලෙස ශ්රේෂ්ඨාධිකරණය නියම කළා.
මෙම පෙත්සම අද (20) එස්. තුරෙයි රාජා, ඒ.එච්.එම්.ඩී.නවාස් සහ අර්ජුන ඔබේසේකර යන ත්රිපුද්ගල ශ්රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබුවා.
එහිදී විනිසුරු මඩුල්ල නිසියාකාරව සම්පූර්ණ වී නොමැති නිසා අදාල පෙත්සම කරුණු තහවුරු කිරීම සඳහා පෙබරවාරි මස 07 වනදා කැඳවන ලෙස ත්රිපුද්ගල විනිසුරු මඩුල්ල විසින් නියෝග කළා.
ගම්පොළ ප්රදේශයේ පදිංචි ගිහාන් ෂවීන්ද්ර ප්රනාන්දු විසින් මෙම පෙත්සම ඉදිරිපත් කර තිබුණා.
පසුගිය රජය සමයේ අලුතින් සුරා බදු බලපත්ර නිකුත් නොකරන ලෙස ශ්රේෂ්ඨාධිකරණය විසින් නියෝගයක් නිකුත් කර තිබුණා.
එසේ තිබියදී අලුතෙන් සුරාබදු බලපත්ර හතරක් නිකුත් කිරීම තුළින් අධිකරණයට අපහාස කළේ යැයි චෝදනා කරමින් හිටපු සුරාබදු කොමසාරිස් ජෙනරාල් එම්.ජේ. ගුණසිරි ඇතුළු පිරිසකට එරෙහිවයි මෙම පෙත්සම ඉදිරිපත් කර තිබෙන්නේ.
source :- https://tinyurl.com/ywyv56f9
