ශ්රී ලංකා රජයේ ඉල්ලීම මත 2025 ජූලි 14 සිට 18 දක්වා සිදු කරන ලද, Integrated Nuclear Infrastructure Review (INIR) පසු විපරම් මෙහෙවරේදී, 2022 INIR මෙහෙවරේ නිර්දේශ සහ යෝජනා ක්රියාත්මක කිරීම සඳහා ශ්රී ලංකාව හොඳ ප්රගතියක් ලබා ඇති බව INIR කණ්ඩායම නිගමනය කරනු ලැබුවා.
ඒ, අනුව ශ්රී ලංකාව දැනටමත් න්යෂ්ටික බලාගාරය සඳහා අපේක්ෂිත ස්ථාන පහක් හඳුනාගෙන ඇති අතර, න්යෂ්ටික ප්රතික්රියාකාරක ප්රසම්පාදන ක්රියාවලිය අධීක්ෂණය කිරීම සඳහා කළමනාකරණ ව්යුහයක් පිහිටුවා ඇත, පුළුල් න්යෂ්ටික නීතියක් කෙටුම්පත් කර ඇති අතර, 2025-2044 කාලය සඳහා වන සිය වත්මන් දීර්ඝකාලීන බලශක්ති සැලැස්මට න්යෂ්ටික බලය ඇතුළත් කර තිබෙනවා.
“ශ්රී ලංකාව 2022 ප්රධාන INIR මෙහෙවරේ නිර්දේශ සහ යෝජනා ක්රියාත්මක කිරීමට ක්රියාකාරීව කටයුතු කරයි,” යැයි IAEA හි න්යෂ්ටික යටිතල පහසුකම් සංවර්ධන අංශයේ දූත කණ්ඩායම් නායක ජෝන් හැඩාඩ් මහතා පැවසීය. “මෙය න්යෂ්ටික බලශක්ති වැඩසටහන සම්බන්ධයෙන් අවශ්ය අධ්යයන සිදු කිරීමට සහ දැනුවත් තීරණයක් ගැනීමට ශ්රී ලංකාවේ කැපවීම පෙන්නුම් කරයි.”
2010 දී, ශ්රී ලංකාව රට තුළ න්යෂ්ටික බලශක්ති වැඩසටහනක් ක්රියාත්මක කිරීම සඳහා අධ්යයන ආරම්භ කිරීමට අනුමැතිය ලබා දුන්නේය. 2024 දී, න්යෂ්ටික බලශක්ති වැඩසටහනක් සලකා බැලීම සඳහා “වැඩිදුර ක්රියාමාර්ග” ගැනීමට රජය තීරණය කළ බව IAEA ප්රකාශ කළේය. න්යෂ්ටික බලය 2025-2044 බලශක්ති උත්පාදන සැලැස්මට බලශක්ති ප්රභවයක් ලෙස ඇතුළත් කර තිබෙනවා.
නමුත්, සැලැස්මට අනුව, ජාලයේ තත්ත්වය, අපේක්ෂිත ඉල්ලුම වර්ධනය, සහ විචල්ය පුනර්ජනනීය බලශක්ති ප්රභවයන් මගින් ආධිපත්යය දැරීමට අපේක්ෂිත උත්පාදන මිශ්රණය හේතුවෙන් 600 MW ට වැඩි න්යෂ්ටික බලශක්ති ඒකකයක් ශ්රී ලංකා ජාලයට ඇතුළත් කිරීම තාක්ෂණික වශයෙන් අභියෝගාත්මක වනු ඇත.
එමෙන්ම කළමනාකරණය, මානව සම්පත් සංවර්ධනය, පාර්ශවකරුවන්ගේ සහභාගීත්වය, විකිරණශීලී අපද්රව්ය කළමනාකරණය සහ කාර්මික සහභාගීත්වය වැනි යටිතල පහසුකම් සංවර්ධනයේ විවිධ ක්ෂේත්රවල උපාය මාර්ග සහ අධ්යයන අවසන් කිරීම සම්බන්ධයෙන් තවත් වැඩ කටයුතු අවශ්ය බව කණ්ඩායම පවසනවා.
2024 දී, වාණිජ න්යෂ්ටික බලාගාරයක් ඉදිකිරීම සඳහා ශ්රී ලංකාවට යෝජනා හයක් ලැබී ඇති බවට ශ්රී ලංකාවේ පුවත්පත් වාර්තා පවසනවා.
